მეტროსადგური „სახელმწიფო უნივერსიტეტი“ გაიხსნა

თბილისის მეტროსადგური „სახელმწიფო უნივერსიტეტი“ 2017 წლის 12 ოქტომბერს გაიხსნა. სადგურის გახსნის ღონისძიებას საქართველოს პრემიერ–მინისტრი გიორგი კვირიკაშვილი, მთავრობის წევრები, დიპლომატიური კორპუსის წარმომადგენლები, „ექსპრეს ტექნოლოგიების” გენერალური დირექტორი ირაკლი კოდუა და “მეტრო სერვის +” –ის დირექტორი დავით ლიპარტელიანი დაესწრნენ.
მეტროსადგური აღჭურვილია თანამედროვე უსაფრთხოების სისტემებით. კომპანია „მს+“ –მა მეტროთი მგზავრობის საფასურის თანამედროვე და უნივერსალური გადახდის სისტემით უზრუნველყო. დღეისათვის თბილისის მეტროსადგურით 350–400 ათასი ადამიანი სარგებლობს. „სახელმწიფო უნივერსიტეტის“ მეტროსადგურის ამუშავებით, დღეში დამატებით 15 ათასზე მეტ მგზავრს დანიშნულების ადგილზე მისვლა უადვილდება.

ბანკების ინტეგრაციის სერვისი